ကလေးတွေညံ့တာ အပြစ်မြင်သင့်သလား

ဒီနေ့ခေတ် လူငယ်တွေ တစ်ယောက်နဲ့ တစ်ယောက် message တွေ ပို့နေတာတွေ ဖတ်ရတာ အင်္ဂလိပ်စာသင်နေတဲ့ ဆရာတွေ မျက်ရည်ကျစရာဖြစ်လောက်ပါတယ်။ အထူးသဖြင့် အင်္ဂလိပ်စာကို စတိုင် ကျကျရေး တတ်အောင် သင်နေတဲ့ဆရာတွေ၊ ဥပဒေအတိုင်း လိုက်နာပြီးရေးတတ်အောင် သင်ချင်သူတွေ စိတ်ပျက်လောက်ပါတယ်။

သူတို့ ရေးထားတာတွေ ဖတ်လိုက်ရင် ဒီခေတ်လူငယ်တွေ စာမရေး တတ်တော့ဘူး ဆိုတာ ထင်ရှားလာပါတယ်။ဒါ ဘာကြောင့်လဲ။ နည်းပညာကြောင့် လား၊ တိုးတက်လာတဲ့ခေတ်ကြောင့်လား ဆိုတာ ဝေဖန်သုံးသပ် စရာဖြစ်လာပါတယ်။

ကျွန်မအနေနဲ့ နှစ်ပေါင်း ၂၀ လောက် စာသင်ခန်းအတွေ့အကြုံ ရှိခဲ့ပါတယ်။ ခု ဆိုရင် MLA (Modern Language Association) မှာ ဒါရိုက်တာအဖြစ်လည်း တာဝန်ထမ်းဆောင်နေတယ်။ ဒီနေ့ခေတ်ပေါ် အတွေးအမြင်တွေကို ကျွန်မ မကြိုက်ရတဲ့ အချက်နှစ်ချက်ရှိတယ်။

ပထမ အချက် ကတော့ အင်္ဂလိပ်စာ ဟာ ဘယ်တော့မှ မတည်ငြိမ်ဘူး ၊ ဒါကြောင့် တည်ငြိမ်အောင် လုပ်ရမယ် ဆိုတဲ့အချက်ပါ။အင်္ဂလိပ်စာ မှာပြောင်းလဲမှုတွေ ဘယ်လို လုပ်တယ်ပြောပြော တည်ငြိမ်တဲ့ ဘာသာရပ် တစ်ခု ဆိုတာသေချာတယ်။သူတည်ငြိမ် လို့လည်း နှစ်ရာစုပေါင်းများစွာ သုံးစွဲလာကြတာပေါ့။ နည်းပညာ ဆိုတာက သုံးတဲ့သူတွေရဲ့ အလိုဆန္ဒအပေါ် မူတည်ပြီး အမြဲတီထွင်၊ အမြဲပြောင်းလဲမှုတွေ လုပ်နေကြရပါတယ်။

ဒုတိယအချက် အနေနဲ့ ကတော့ မီဒီယာ အသစ်ပေါ် လာလို့ မီဒီယာ အဟောင်းကို လွှမ်းမိုး သွားဖို့ ဆိုတာ မလွယ်သေး ပါဘူး။ဘီစီ ၃၆၀ လောက်က ပလေတိုပြောတာ ကြားဖူးတယ်။ ဆိုကရေးတီး ဟာ “မေ့လျော့ခြင်း” နဲ့ ပတ်သက်ပြီး စူးစမ်းလေ့လာဖူးတယ်။ နည်းပညာတွေ ဘယ်လောက်ပဲ တိုးတက် လာပါစေ ၊ရေးနိုင်အောင်တော့တွေး ရမှာပဲ ။လေ့လာ သင်ယူရမှာပဲ။ ၁၅ နဲ့ ၁၆ ရာစုတွေက ပညာရှင်တွေဟာ စာတွေကို စက္ကူတွေပေါ်မှာရေးသားနေရာ ကနေ ပုံနှိပ်အတတ် နဲ့ ထုတ်ဝေမှာကိုလည်း စိုးရိမ်သောက ရောက်ခဲ့ကြဖူးတယ်။

စာရေးတယ် ဆိုတာ အသိပညာ ကို ထားခဲ့ချင်လို့ ၊ ကိုယ်သိထားတာကို မျှဝေချင် လို့ဖြစ်ပါတယ်။ ပုံနှိပ်တယ် ဆိုတာက ပိုပြီးတော့ ကျယ်ပြန့်စွာ မျှဝေချင်လို့ပါ။ ဒီနေ့ခေတ်မှာ စာရေးတဲ့ အလုပ်၊ပုံနှိပ်တဲ့ အလုပ်တွေဟာ တစ်ဦးနဲ့ တစ်ဦး ဆက်သွယ်ရေး ကို ထိခိုက်စေတယ်လို့ ဘယ်သူ မှပြောဝံ့မှာ မဟုတ်ပါဘူး။ ဘာကြောင့် လဲဆိုတော့ text messaging လုပ် ရတာ၊Facebook မှာ တက်ရေးရ တာခေတ်စား အပြီး လူတိုင်းလုပ်နေကျ အလုပ်တစ်ခုလို ဖြစ်လာတာကြောင့်ပါ။

တစ်ဦးနဲ့တစ်ဦး ဆက်သွယ်ရေး စနစ်တွေက ပိုကောင်းပြီး၊ ပိုလွယ်လာသလောက်ဖြစ်သလိုတွေး၊ ဖြစ်သလိုရေး လာတာတွေက ပိုဆိုးလာပါတယ်။ အထူးသဖြင့် ကျောင်းသား လူငယ်တွေ ကြားမှာ ဆိုးရွားစွာ ရေးသားမှုတွေ ပြုလုပ်လာတာ တွေ့ရတယ်။

စာရေးခြင်း နဲ့ ပုံနှိပ်ခြင်း က အနောက်တိုင်း ယဉ်ကျေးမှု ကိုပြောင်း စေခဲ့ပါတယ်။ ခေတ်သစ် ဒစ်ဂျစ်တယ် နည်းပညာ ကလည်း ဆက်သွယ်ရေးစနစ်ကို တစ်ခေတ်ပြောင်းစေခဲ့ပါတယ်။ နည်းပညာကြောင့် စာပို့ဆက်သွယ်နိုင်တယ် ဆိုပေမယ့် စာစီစာရေးစနစ်တွေကို ဂရုမပြုလာကြတော့တာ၊ စာရေးနည်းစနစ်တွေ ပျက်စီးလာတာကိုလည်း စဉ်းစား ကြရလိမ့်မယ်။ အထူးသဖြင့် အင်္ဂလိပ်စကားပြောတဲ့ အမေရိကန်လိုနိုင်ငံကြီးမှာ အင်္ဂလိပ်လိုရေးတာတွေ ပျက်စီးနေ ပြီဆိုရင် ရယ်ချင်မလားမသိဘူး။

“စာရေးခြင်း” ဆိုတာ စိတ်ကူးထဲက အကြောင်း အရာတွေ ကို စာ ရွက်ပေါ်မှာဖော်ထုတ်ရတာ။ “စာဖတ်ခြင်း” ဆိုတာက “စာအုပ်” ဆိုတာနဲ့ ဆက်စပ်နေတာ။ အဲဒီတော့ ကျွန်မတို့ အစဉ်အလာအတိုင်း လက်ခံ ကျင့်သုံးခဲ့ကြတာတွေကို လွယ်လွယ်နဲ့ဖျောက်ပြီး စနစ်ကို ဖျက်ဆီးကြတော့ မှာလားလို့ မေးစရာဖြစ်လာတယ်။

ဒီနေ့ခေတ်လူငယ်တွေ ပုံနှိပ်စာပေ “စာအုပ်” တွေကို အဖတ်နည်းလာပါတယ်။ “ဖတ်စရာမှမလိုတာ” ဆိုတဲ့ အကြောင်းပြချက်ကို လက်ခံကောင်း လက်ခံနိုင်ပါတယ်။ ဘာကြောင့်လဲဆိုတော့ သူတို့မှာလေ့လာနိုင်စရာ ပစ္စည်းတွေ၊ မီဒီယာတွေ၊ ပလက်ဖောင်းတွေ ပေါများနေလို့ပါပဲ။

စာဆိုတာရေးမှ ခံစားပြီး သိနိုင် မှတ်မိ နိုင်ပါတယ်။ ဒစ်ဂျစ်တယ်ခေတ်မှာ ဘော့ပင် သို့မဟုတ် ခဲတံကိုင်ပြီး စာရွက် ပေါ်မှာ ရေးစရာ မလိုလောက်အောင်ဖြစ်လာတယ်။ စာကို လက်နဲ့ စာရွက်ပေါ်မှာ ချရေးစရာ မလိုဘဲ ကွန်ပျူတာ ကီးဘုတ်တွေနဲ့ ရေးပြီး ဆက်သွယ်လို့ရလာတော့ စာလုံးတွေကို ကိုယ်တိုင်သီကုံးရေးသားတဲ့ ဓလေ့တွေကွယ် ပျောက်သွားတယ်။

ဒီနေ့ခေတ် လူငယ်တွေ Blog တွေ ရေးကြတယ်။ဖြန့်ဝေ ကြတယ်။စိတ်ကူးတွေ ဖလှယ်ကြတယ်။ ဆိုရှယ် ကွန်ရက် တွေကလည်း လူငယ်တွေ စာရေးဖို့ အထောက်အကူ အများ ကြီးပြုလာတယ်။ အသံဖိုင်တွေ၊ ဗီဒီယိုဖိုင်တွေနဲ့ပါ ဆက်သွယ်နိုင်တော့ရေး အားတွေ ပိုလျှော့သွားတယ်။

ခေတ်သစ်မှာ ဒီလို စာတွေရေးပြီး တစ်ယောက်နဲ့ တစ်ယောက် ဆက်သွယ်ရေး လုပ် နေကြကြောင်းကို မိဘနဲ့ ကျွန်မတို့ ဆရာတွေ မျက်ခြေ မပြတ်ဖို့လိုပါတယ်။ ဒါတွေဟာ အလကား အလုပ်တွေ၊ အဓိပ္ပာယ်မရှိတဲ့ အလုပ်တွေလို့ သဘောထားပြီး သူတို့ကို လွှတ်ပေးလိုက်ရင် ကျွန်မတို့နဲ့ ပိုဝေးသွားလိမ့်မယ်။

သူတို့ရေးနေ တာတွေဟာ မရေးဘဲ ထိုင်နေကြတာ ထက် ပိုမကောင်း ဘူးလားလို့ တွေးရမယ်။ အတွေးကို ထုတ်ဖော်ပြ တာက အစပဲ။ပြောချင်တာလေး ကို တစ်ကြောင်းနှစ်ကြောင်းပြောမယ်။ နောက်ပိုင်း တစ်ပိုဒ်နှစ်ပိုဒ်၊ တစ်ပုဒ်နှစ်ပုဒ်၊ တစ်အုပ်နှစ်အုပ် ဆိုတာကို တစ်ဆင့်ပြီးတစ်ဆင့် တက်လာနိုင်တာ ဒီနည်းလမ်းပဲရှိပါတယ်။

ဆရာမ ပါ သူတို့ ဘာသာ သူတို့ လေ့လာရေးသားနေတယ် ၊ရေးသားချင်စိတ်လေးတွေ ရှိကြတယ်ဆိုတာ ပိုမကောင်းဘူးလား။ တစ်ယောက်ရေးတာ အများဝိုင်းဖတ်၊ အများဝေဖန်၊ အကြံဉာဏ်ပေး၊ ကူဆွေးနွေးနိုင်တာ အခွင့်အရေးတစ်ခုလို့ မှတ်ယူလိုက်ရင် နည်းနည်း နောနော ဝန်ဆောင်မှုမှ မဟုတ်တာ။

စာရေးလို့ ပရိသတ်ရှိရင် ပိုပြီးအားတက်တယ်။ အွန်လိုင်းမှာ စာရေးတယ်၊ Blog မှာ စာရေးတယ်ဆိုတာ လူထုနဲ့ အကောင်းဆုံး ဆက်သွယ်နိုင်ပြီး အားစမ်းတဲ့ ပွဲလို့လည်းဆိုနိုင်တယ်။ရေးရင်းနဲ့ စာရေးတတ်သွားနိုင်တယ်။ သူတို့ စကားအရတော့ “လက်တက်” သွားတယ်ပေါ့။ရေးရင်းနဲ့ပြင်သွားလိမ့်မယ်။ ဒါကြောင့် ပျက်စီးပြီဆိုတာကို လူကြီး အတွေး လူကြီးအမြင်နဲ့ မဆုံးဖြတ်ဘဲ လူငယ်အမြင်နဲ့ စိတ်ရှည်စွာ ကြည့်မြင်နိုင်အောင် ကြိုးစားဖို့လိုတယ်။

ကျွန်မတို့ လူငယ်တွေနဲ့ ဆက်သွယ်ချင်ရင်၊ နီးစပ်ချင်ရင် သူတို့ရေးတဲ့စာတွေ ဖတ်ဖို့ တိုက်တွန်းချင်တယ်။သူတို့ပြောလေ့ ရှိတဲ့ စကားတွေ ၊ဝေါဟာရတွေ နဲ့ ပွင့်လင်းစွာရေးသားထားတာ မျိုးတွေပေါ့။ သဒ္ဒါနည်းကျ မကျတွေကို ပေတံနဲ့ လိုက်တိုင်းရင် သူတို့လောကမှာ အလုပ်ဖြစ်မယ် မထင်ဘူး။ သူတို့ တွေးမိသလိုရေးမယ်။ လွတ်လပ်စွာ ရေးရင်းနဲ့ စာရေးဆရာကြီးတွေ ဖြစ်သွားတာ အများကြီးရှိတယ်။

အင်္ဂလိပ်စာ တည်ငြိမ်မှုရှိတယ် ဆိုတာ တကယ်ကြည့်ရင် မဟုတ်ပါဘူး။ တစ်သမတ်တည်း မှတ်ထားလို့လည်း မရပါဘူး။ အင်္ဂလိပ်ကို အမေရိကန်၊ ဗြ်ိတိန်၊ ဩစတြေးလျတွေမှာ သူတို့နည်း သူတို့ဟန်၊ သူတို့လေသံတွေအတိုင်း ပြောကြပါတယ်။ ဒါပေမယ့် အင်္ဂလိပ်စာပါပဲ။

ဒီလိုပဲ ကျွန်မတို့ကလေးတွေ သူတို့ပြောချင်သလိုပြောနေတာကို ကျွန်မတို့ အခွင့်အရေး ဦးစွာပေးရမယ် ။နောက်ပိုင်းကျမှ လိုသလောက်ပဲ ထိန်းမယ်။ ဒါဆိုရင် တစ်ခုခု ဖြစ်သွားပါလိမ့်မယ်။ မလုပ်ရဘူးဆိုပြီး ပိတ်ထားတာထက်၊ လုပ်ခွင့်ပေးလိုက်တာက အခွင့်အရေး တစ်ခုကို ဖန်တီးပေးလိုက်တာလို့ သဘောထားကြီးပေးမယ် ဆိုရင် ကျွန်မတို့ အပြစ်မြင်တော့မှာမဟုတ်ဘူး။

မှတ်ချက် -

ဒီဆောင်းပါးရဲ့ မူရင်းစာရေးဆရာဟာ Kathleen Fitzpartrick ဖြစ်ပါတယ်။ Modern Language Association က ပညာရေးဆိုင်ရာ ဆက်သွယ်ရေး ဒါရိုက်တာတစ်ယောက်လည်းဖြစ်ပါတယ်။ “Planned Obsolescence: Publishing, Technology, and the Future of the Academy” ဆိုတဲ့စာအုပ်ကို လည်းရေးခဲ့ပြီး Planned Obsolescence ဆိုတာကိုလည်း Blog မှာရေးခဲ့ပါတယ်။

တင်ညွန့်

Source by :http://www.maukkha.org/

P.S: http://www.nayzawlin.com/2012/03/blog-post_6826.html